सोमवार, 1 फ़रवरी 2010

जन्माने मराठी असणाऱ्यांनाच महाराष्ट्रात नोकरी -

जन्माने मराठी असणाऱ्यांनाच महाराष्ट्रात नोकरी
-
Monday, February 01, 2010 AT 01:15 PM (IST)


मुंबई - जन्माने मराठी असण्याऱ्यांनाच महाराष्ट्रात नोकरी मिळाली पाहिजे त्यासाठी केवळ मराठी लिहीता-वाचता येणे पुरेसे नाही असे महाराष्ट्र नवनिर्माण सेनेचे प्रमुख राज ठाकरे यांनी आज (ता.१) स्पष्ट केले. षण्मुखानंद सभागृहात सकाळी झालेल्या पक्षाच्या कार्यकर्त्यांच्या मेळाव्यात ते बोलत होते.

राज ठाकरे यांनी येत्या १३ फेब्रुवारीपासून राज्याचा दौरा करणार असल्याचे या वेळी जाहीर केले. त्याची सुरवात सिंधुदुर्गातून होईल आणि प्रत्येक जिल्ह्यातील कार्यकर्त्यांशी संवाद साधणार असल्याचे राज ठाकरे यांनी सांगितले. हा दौरा झाडाझडतीचा असेल, त्यात कुठेही जाहीरसभा घेणार नसल्याचे त्यांनी स्पष्ट केले. पक्षाच्या ध्येयधोरणानुसार आणि चौकटीत राहूनच काम करण्याचा आदेश राज ठाकरे यांनी कार्यकर्त्यांना दिला.

येत्या २१ फेब्रुवारीपासून पक्षातर्फे सदस्य नोंदणी पंधरवडा आयोजित करण्यात आल्याची तसेच पक्षाचे कोकण विभाग संघटक म्हणून शिशिर सावंत आणि शिक्षकसेना प्रमुख म्हणून संजय चित्रे यांची नेमणूक केल्याचे जाहीर करण्यात आले

कोई टिप्पणी नहीं:

एक टिप्पणी भेजें