शनिवार, 14 अगस्त 2010

मराठी चित्रपटाच्या मुद्‌द्‌यावर मनसे आक्रमक

मराठी चित्रपटाच्या मुद्‌द्‌यावर मनसे आक्रमक
सकाळ वृत्तसेवा
Saturday, August 14, 2010 AT 01:32 PM (IST)
 

ठाणे - मल्टिप्लेक्‍समध्ये "ती रात्र' या मराठी चित्रपटाचे तीन खेळ दाखवावेत, या मागणीसाठी महाराष्ट्र नवनिर्माण सेनेच्या (मनसे) कार्यकर्त्यांनी येथील इंटर्निटी मॉलवर दगडफेक करीत आज (शनिवार) सकाळी आंदोलन केले.

आमदार प्रवीण दरेकर, पक्षाचे ठाणे शहराध्यक्ष हरी माळी, विद्यार्थी सेनेचे अविनाश जाधव यांच्या नेतृत्वाखाली आंदोलन झाले. मल्टिप्लेक्‍समध्ये सकाळी मराठी चित्रपटाचा एकच खेळ दाखविला जातो. त्यामुळे प्रेक्षकांना सकाळच्या वेळेत चित्रपट पाहता येत नाही. मराठी चित्रपटाचे तीन खेळ दाखवावेत, अशी मागणी करणारे पत्र इंटर्निटी मॉलच्या व्यवस्थापकांना देण्यात आले.

मॉलमध्ये मराठी चित्रपटाचे एकच पोस्टर तर "पीपली लाइव्ह' या चित्रपटाची अनेक पोस्टर्स दिसली. त्यामुळे कार्यकर्त्यांनी दगडफेक करत "पीपली लाइव्ह'ची पोस्टर्स फाडून आंदोलन केले. यावेळी पोलिसांनी हरी माळी यांना ताब्यात घेतले. दरम्यान, दादर येथील नक्षत्र मॉलवरही मनसेच्या कार्यकर्त्यांनी दगडफेक केली.

औरंगाबाद येथेही आंदोलनाचे पडसाद उमटले. मनसेच्या कार्यकर्त्यांनी अंजली बीग सिनेमात धुडगूस घालत चित्रपटगृह बंद पाडले. यावेळी पोलिसांनी १० कार्यकर्त्यांना ताब्यात घेतले.

कोई टिप्पणी नहीं:

एक टिप्पणी भेजें