राज ठाकरेंच्या सुरक्षा अधिकाऱ्यावर गुन्हा
वृत्तसंस्था
Monday, March 28, 2011 AT 05:36 PM (IST)
पणजी - बंदुक दाखवून ट्रक चालकाला धमकाविणाऱ्या महाराष्ट्र नवनिर्माण सेनेचे अध्यक्ष राज ठाकरे यांच्या सुरक्षा अधिकाऱ्यावर गुन्हा दाखल करण्यात आला आहे. ही घटना पणजीपासून ३५ किमी अंतरावर असलेल्या बोरिम गावाजवळ घडल्याचे पोलिसांनी सांगितले.पोलिस अधिक्षक अरविंद गुनास यांनी दिलेल्या माहितीनुसार, ट्रक चालकाने पोंडा पोलिस स्टेशनमध्ये या अधिकाऱ्याविरोधात तक्रार दिली आहे. तक्रार दाखल झाल्यानंतर धमकाविणाऱ्या व्यक्तीबाबत पोलिसांना लगेच माहिती हाती लागली नाही. मात्र, राज ठाकरे यांचा ताफा मडगाव येथून गेल्याचे समजल्यानंतर हे कृत्य राज ठाकरे यांच्या सुरक्षा अधिकाऱ्यानेच केल्याचे स्पष्ट झाले. या अधिकाऱ्याने ट्रक चालकाला मारहाण करीत त्याच्या गाडीच्या काचा फोडल्या आहेत. ट्रक चालकावर हल्ला करणारा अधिकारी महाराष्ट्र पोलिस दलातील असल्याचे समजते
कोई टिप्पणी नहीं:
एक टिप्पणी भेजें