आजाराने आणले ठाकरे बंधूंना एकत्र
- सकाळ वृत्तसेवा
Monday, July 16, 2012 AT 10:58 AM (IST)
मुंबई-
शिवसेनेचे कार्याध्यक्ष उद्धव ठाकरे यांना आज (सोमवार) सकाळी लीलावती
रुग्णालयात दाखल करण्यात आले. दरम्यान, महाराष्ट्र नवनिर्माण सेनेचे
अध्यक्ष राज ठाकरे यांनी आज उद्धव ठाकरे यांची भेट घेऊन प्रकृतीची विचारपूस
केली.सूत्रांकडून मिळालेल्या माहितीनुसार, छातीत दुखत असल्याने उद्धव ठाकरे यांना आज सकाळी लीलावती रुग्णालयात दाखल करण्यात आले. त्यांच्यावर अँजिओग्राफी करण्यात आली असून त्यांची प्रकृती स्थीर आहे.
दरम्यान, मनसेचे अध्यक्ष राज ठाकरे यांनी आज दुपारी लीलावती रुग्णालयात उद्धव ठाकरे यांची भेट घेऊन प्रकृतीची विचारपूस केली. यावेळी पत्नी शर्मिला ठाकरे आणि आई कुंदा ठाकरे याही राज ठाकरे यांच्यासोबत होत्या. राज ठाकरे आज सकाळी अलिबागला कार्यकर्त्यांच्या शिबिराला उपस्थित राहण्यासाठी गेले होते. उद्धव ठाकरे यांना लीलावती रुग्णालयात दाखल केल्याचे वृत्त समजल्यावर त्यांनी कार्यकर्त्यांचे शिबिर रद्द करून मुंबईच्या दिशेने प्रस्थान केले होते. दुपारी ते मुंबईला पोहोचले. त्यानंतर थेट लिलावती रुग्णालयात गेले. तब्बल साडेतीन वर्षानंतर ठाकरे बंधू भेटले आहेत
कोई टिप्पणी नहीं:
एक टिप्पणी भेजें