Raj thakre 3 bhandup prachar sabha

Raj thakre 2 bhandup prachar sabha

Raj thakre 1 bhandup prachar sabha

सत्तेची किल्ली द्या; राज्यात चमत्कार घडवून दाखवितो - राज ठाकरे

सकाळ वृत्तसेवा
Monday, September 28th, 2009 AT 12:09 AM


मुंबई - विधानसभा निवडणुकीच्या एका मोठ्या युद्धाला आपण सर्व जण सामोरे जात आहोत. या वेळी सत्तेची किल्ली माझ्या हातात द्या. मी महाराष्ट्रात चमत्कार घडवून दाखवितो, असे आवाहन महाराष्ट्र नवनिर्माण सेनेचे अध्यक्ष राज ठाकरे यांनी आज केले. मतांचा जोगवा मागायला विविध राजकीय पक्षांचे लोक तुमच्या दारात येतील. शिवसेना-भाजपचे मराठी प्रेमही आता जागे झाले आहे. त्यांचे मराठी मतांवर प्रेम आहे; मराठी माणसांवर नाही. सत्ताधारी आणि विरोधकांनी मुंबईतील मराठी टक्का घटविण्याचे काम केले आहे, असा जोरदार हल्ला राज यांनी विधानसभा निवडणुकीच्या पहिल्या प्रचारसभेत केला.
महाराष्ट्र नवनिर्माण सेनेच्या भांडुप विभागाच्या वतीने भांडुप विधानसभा मतदारसंघातील मनसेचे उमेदवार शिशिर शिंदे यांची प्रचारसभा भांडुप-पश्‍चिम येथील खडी मशीन मैदानात आज दणक्‍यात झाली. या सभेत राज ठाकरे यांनी कॉंग्रेस-राष्ट्रवादी कॉंग्रेस, तसेच शिवसेना-भाजप युती यांच्यावर चौफेर हल्ला चढविला. खोट्या नावांनी निवडणुकीची ओळखपत्रे, रेशनकार्डे व पॅनकार्डे बनविली जात आहेत. याबाबत कोणताही राजकीय पक्ष बोलायला तयार नाही. सगळ्यांचेच हात बरबटले आहेत, असा आरोप करीत त्यांनी जनतेसमोर पुरावे सादर करून खळबळ उडवून दिली. उत्तर भारतीयांच्या वाढत्या लोंढ्यांबाबत
टीका करताना राज म्हणाले, ""मुंबईत 227 नगरसेवक आहेत; त्यापैकी 73 नगरसेवक अमराठी आहेत. पुढच्या पालिकेच्या निवडणुकीत हा आकडा 150 च्यावर जाईल, अशी भीती त्यांनी व्यक्त केली.
गेल्या लोकसभा निवडणुकीत उद्धव ठाकरे यांनी महेश जेठमलानी यांनाच मतदान केले ना? त्याआधी संजय निरुपम यांना मांडीवर घेऊन छट्‌पूजा केली, उत्तर प्रदेश दिन साजरे केले. तेव्हा ते त्यांना कसे चालले? मराठी माणसांवरील हे शिवसेना-भाजपचे प्रेम बेगडी आहे, असा टोला त्यांनी लगावला.
आज मुंबई, महाराष्ट्रात नोकऱ्या आहेत. उत्तर भारतीय इथे येऊन नोकऱ्या लाटत आहेत. स्वतःचे मतदारसंघ बांधत आहेत. शिवसेना आणि भाजप याविषयी का नाही बोलत? उत्तर भारतातील राज्यकर्ते त्यांना शस्त्राचे परवाने देतात. सुरक्षा रक्षक म्हणून इथे ते लोक रुबाबात नोकरी करतात. मात्र, एकाही मराठी माणसाला इथले सरकार एकही परवाना का देत नाही. त्यांचे कसलेही रेकॉर्ड इथे ठेवले जात नाही. हा या शहराच्या सुरक्षेला मोठा धोका आहे, अशी भीतीही राज ठाकरे यांनी व्यक्त केली.
इथल्या राष्ट्रीय पक्षांचे लोक नातेवाइकांना निवडणुकीची तिकिटे देत आहेत. मग पक्षासाठी राबणाऱ्या निष्ठावंत कार्यकर्त्यांनी जायचे कुठे, त्यांनी काय आयुष्यभर सभा-समारंभांत सतरंज्याच टाकायच्या काय? असा सवाल करीत नातेवाइकांना पोसण्यासाठी राजकीय पक्ष काढले असल्याचा टोला राज यांनी लगावला.
राम कदम, सुधाकर चव्हाण यांच्यासह सर्वांनाच दिलेली उमेदवारी स्थानिक पदाधिकाऱ्यांना विश्‍वासात घेऊन दिली असल्याचे ते म्हणाले.
या सभेला मुंबईतील मनसेचे उमेदवार सत्यवान दळवी, मंगेश सांगळे, राम कदम, आप्पासाहेब मगरे, सतीश नारकर, तसेच मनसेचे पदाधिकारी भाई माईनकर, सतीश अधिकारी आदी उपस्थित होते. प्रचाराच्या शुभारंभाचे श्रीफळ राज यांनी वाढविले. भांडुपमधील स्थानिक उमेदवार शिशिर शिंदे यांनी निवडून आल्यानंतर भांडुपमध्ये सुपर स्पेशालिटी हॉस्पिटल उभारण्याचे, तसेच सेवन स्टार हॉटेलमध्ये तरुणांना नोकऱ्या मिळवून देण्याचे आश्‍वासन या वेळी दिले.

राज ठाकरे यांना हवीय 'झेड' दर्जाची सुरक्षा

राज ठाकरे यांना हवीय 'झेड' दर्जाची सुरक्षा
सकाळ वृत्तसेवा
Saturday, September 26th, 2009 AT 10:09 PM


राज ठाकरे

मुंबई - महाराष्ट्र नवनिर्माण सेनेचे अध्यक्ष राज ठाकरे यांना यापूर्वी जीवे मारण्याच्या धमकीविषयीची माहिती पोलिसांना देऊनही त्यांना सरकारने 'झेड' दर्जाची सुरक्षा पुरवलेली नाहीच; उलटपक्षी त्यांची पूर्वीची सुरक्षाही काढून घेतलेली आहे. सध्याच्या राजकीय वातावरणात या निवडणूक कालावधीत राज्यभरातील प्रचारदौरे व सभांसाठी त्यांची सुरक्षा पूर्ववत "झेड' दर्जाची करावी, अशी मागणी मनसेचे सरचिटणीस शिरीष सावंत यांनी राज्यपालांकडे लेखी पत्राद्वारे केली आहे. सद्यस्थितीत त्यांच्यासोबत दौऱ्याच्या वेळी कुठल्याही प्रकारचे सशस्त्र पोलिस सुरक्षा रक्षक नसल्याचेही, या पत्रात नमूद केले आहे.
राज ठाकरे यांची सुरक्षा पूर्वसूचना न देताच काढून घेणे, वारंवार मागणी करूनही त्यांना ती परत बहाल न करणे, मुंबईतील जातीय-धार्मिक दंगली, बॉम्बस्फोट अशा घटनांच्या वेळी कोणत्याही राजकीय पक्षाच्या नेत्याची सुरक्षा व्यवस्था कमी न करता राज ठाकरे यांचीच सुरक्षा काढून घेणे यात त्यांचे खच्चीकरण करणे किंवा राजकीय पक्षाची खेळी तर नाही ना, अशी शंकाही मनसेने या पत्रातून व्यक्त केली आहे.

मराठी उमेदवाराचा आग्रह धरा - राज ठाकरे

मराठी उमेदवाराचा आग्रह धरा - राज ठाकरे
सकाळ वृत्तसेवा
Wednesday, September 16th, 2009 AT 1:09 AM
..

महाराष्ट्र नवनिर्माण सेनेचे अध्यक्ष राज ठाकरे

मुंबई - मुंबई, ठाण्यात उत्तर भारतीयांना उमेदवारी द्या, अशी मागणी संजय निरुपम यांच्यासारखे नेते करीत आहेत; पण त्यांच्यासारखी भाषा कोणत्याही पक्षातील राजकारण्यांनी केली, तर त्याला रस्त्यावर फिरू देणार नाही, असा सणसणीत इशारा देतानाच कॉंग्रेस, राष्ट्रवादी, भाजप या सर्व पक्षांनी महाराष्ट्रातील मतदारसंघांत मराठी उमेदवारांचा आग्रह धरावा, असे आवाहन महाराष्ट्र नवनिर्माण सेनेचे अध्यक्ष राज ठाकरे यांनी आज येथे केले.
मनसेच्या शिवडी-भायखळा विभागातर्फे राजनिष्ठ प्रतिनिधींची घोषणा आणि कार्यकर्त्यांचा मेळावा परळ येथील दामोदर हॉलमध्ये आयोजित केला होता. या वेळी महागायिका वैशाली माडे यांनी राज ठाकरे यांच्या उपस्थितीत मनसेत प्रवेश केला.
या वेळी राज ठाकरे यांनी निरुपम यांच्यावर टीकेची झोड उठविली. विधानसभा निवडणूक जवळ येताच त्यांना आता कंठ फुटू लागले आहेत. उत्तर प्रदेश, बिहारींची संख्या महाराष्ट्रात वाढली असल्यामुळे 40 उत्तर भारतीयांना उमेदवारी द्या, अशी मागणी ते करीत आहेत. निरुपम यांच्यासारख्यांना कोणी वाढविलं, असा अप्रत्यक्ष सवाल त्यांनी शिवसेनेचे नाव घेता केला. अशा प्रवृत्तींना विधानसभा निवडणुकीत महाराष्ट्राच्या अस्मितेचे पाणी दाखवा आणि त्यांचे अस्तित्व नष्ट करा, असेही राज म्हणाले.
शिवसेनेवर टीका
आमचा हा; तर तुमचा हा... तुमचा तो; तर आमचा हा... अशी स्पर्धा राजकीय पक्षांत सुरू आहे, अशी अप्रत्यक्ष टीका शिवसेनेवर करताना राज म्हणाले, की आम्ही कोणावरही जाळे टाकलेले नाही, तर वैशाली माडे मनापासून मनसेमध्ये आली आहे. काही राजकीय पक्षांत कोणी सुनेला; तर कोणी मुलाला तिकीट देण्याचे उद्योग सुरू आहेत. ज्या कार्यकर्त्यांनी पक्षात राहून काम केले, त्यांना संधी कधी मिळणार? माझा मुलगा समोर बसला आहे. मी त्याला व्यासपीठावर बोलावले असते. त्याच्या हस्ते बुके देऊन यांचा सत्कारही केला असता, असा टोला त्यांनी शिवसेनेला मारला. काही दिवसांपूर्वीच आदित्य ठाकरे यांना व्यासपीठावर बसवून, त्यांच्या हस्ते आदेश बांदेकर यांचा सत्कार करण्यात आला होता याकडे राज यांचा रोख होता.
'क्‍लास'ची चर्चा कशाला...
कोणी कुठे बसून प्रवास करतो याची चर्चा कशाला करता, तुम्ही इकॉनॉमी क्‍लासमधून प्रवास करा, नाही तर बैलगाडीतून प्रवास करा. लोकांना त्याचे काहीही देणे-घेणे नाही, हा काही जणांचा लक्ष दुसरीकडे वेधण्याचा प्रकार आहे, अशी टीका करतानाच तत्कालीन अर्थमंत्री मधू दंडवते यांच्या स्वावलंबनाची खिल्लीही त्यांनी उडविली

मनसेचा मुंबईत मेळावा