बुधवार, 17 अगस्त 2011

अण्णा हजारे यांच्या अटकेवर मनसे तटस्थ

अण्णा हजारे यांच्या अटकेवर मनसे तटस्थ
सकाळ वृत्तसेवा
Wednesday, August 17, 2011 AT 03:15 AM (IST)

मुंबई - जनलोकपाल विधेयकावरून आंदोलन छेडणाऱ्या अण्णा हजारे यांच्या अटकेनंतर महाराष्ट्र नवनिर्माण सेनेने तटस्थ भूमिका घेतली आहे. मनसेच्या काही उत्साही आमदारांनी सुरुवातीला अण्णांच्या आंदोलनाला पाठिंबा जाहीर केला खरा; पण त्याच वेळी "कृष्णकुंज'वरून आलेल्या आदेशानंतर पक्षाने तटस्थतेची भूमिका घेतल्याचे कळते.

अण्णांच्या उपोषण आणि आंदोलनावर मनसेचे अध्यक्ष राज ठाकरे काय भूमिका घेतात, याकडे साऱ्यांचे लक्ष लागलेले होते. पण राज यांचा आंदोलनाला पाठिंबा वा विरोध नसल्याचे आज (ता.16) स्पष्ट झाले. काही पत्रकारांबरोबर बोलताना त्यांनी ही माहिती दिली. परंतु याच वेळी मनसेचे नेते बाळा नांदगावकर यांनी अण्णांच्या आंदोलनाला आपला पाठिंबा असल्याचे जाहीर केले होते