बुधवार, 22 जानेवारी 2014 - 02:00 AM IST
मुंबई- मागील निवडणुकांप्रमाणेच आगामी सार्वत्रिक निवडणुकांमध्येही विजयी घोडदौड करण्याचा निर्णय मनसे अध्यक्ष राज ठाकरे यांनी घेतला आहे. यासाठी त्यांनी राज्यभरातील नगरसेवकांना मुंबईत पाचारण करून महापालिकेमध्ये ज्यांची कामगिरी दिसून येत नाही, अशा नगरसेवकांची चांगलीच कानउघाडणी केली असून कामगिरी सुधारा; अन्यथा घरचा रस्ता धरा, अशा शब्दांत राज यांनी सुनावल्याचे समजते.
लोकसभेच्या सार्वत्रिक निवडणुकांबरोबरच चार-सहा महिन्यांत विधानसभेच्या निवडणुका होत आहेत. 2009 मध्ये झालेल्या निवडणुकीत राज्यभरातील जनतेने भरभरून मते दिली. नाशिक महापालिकेतील सत्तेची चावी जनतेने मनसेकडे सोपवली. पुण्यासह अन्य महापालिकांच्या निवडणुकीतही मनसेला चांगले यश मिळाले; मात्र काही महिन्यांपासून पालिकेतील मनसेच्या कारभारावर टीका होऊ लागली. या पार्श्‍वभूमीवर मनसे नगरसेवकांच्या कामांचा आढावा घेण्यास राज यांनी सुरुवात केली आहे. गेल्या शुक्रवारी कल्याण-डोंबिवली महापालिकेतील नगरसेवकांनी "परेड' राजगडवर पार पडली. यापाठोपाठ आज नाशिकच्या नगरसेवकांच्या कामांचा आढावा त्यांनी घेतला. या वेळी तक्रारी असलेल्या आणि कामगिरीत कमी पडलेल्या नगरसेवकांची त्यांनी कानउघाडणी केल्याचे समजते. राज उद्या (ता. 22) पुण्यात; तर गुरुवारी (ता. 24) मुंबईतील नगरसेवकांचे प्रगती पुस्तक तपासणार असल्याने याकडे सर्वांचे लक्ष लागले आहे.
मुंबई- मागील निवडणुकांप्रमाणेच आगामी सार्वत्रिक निवडणुकांमध्येही विजयी घोडदौड करण्याचा निर्णय मनसे अध्यक्ष राज ठाकरे यांनी घेतला आहे. यासाठी त्यांनी राज्यभरातील नगरसेवकांना मुंबईत पाचारण करून महापालिकेमध्ये ज्यांची कामगिरी दिसून येत नाही, अशा नगरसेवकांची चांगलीच कानउघाडणी केली असून कामगिरी सुधारा; अन्यथा घरचा रस्ता धरा, अशा शब्दांत राज यांनी सुनावल्याचे समजते.
लोकसभेच्या सार्वत्रिक निवडणुकांबरोबरच चार-सहा महिन्यांत विधानसभेच्या निवडणुका होत आहेत. 2009 मध्ये झालेल्या निवडणुकीत राज्यभरातील जनतेने भरभरून मते दिली. नाशिक महापालिकेतील सत्तेची चावी जनतेने मनसेकडे सोपवली. पुण्यासह अन्य महापालिकांच्या निवडणुकीतही मनसेला चांगले यश मिळाले; मात्र काही महिन्यांपासून पालिकेतील मनसेच्या कारभारावर टीका होऊ लागली. या पार्श्‍वभूमीवर मनसे नगरसेवकांच्या कामांचा आढावा घेण्यास राज यांनी सुरुवात केली आहे. गेल्या शुक्रवारी कल्याण-डोंबिवली महापालिकेतील नगरसेवकांनी "परेड' राजगडवर पार पडली. यापाठोपाठ आज नाशिकच्या नगरसेवकांच्या कामांचा आढावा त्यांनी घेतला. या वेळी तक्रारी असलेल्या आणि कामगिरीत कमी पडलेल्या नगरसेवकांची त्यांनी कानउघाडणी केल्याचे समजते. राज उद्या (ता. 22) पुण्यात; तर गुरुवारी (ता. 24) मुंबईतील नगरसेवकांचे प्रगती पुस्तक तपासणार असल्याने याकडे सर्वांचे लक्ष लागले आहे.
कोई टिप्पणी नहीं:
एक टिप्पणी भेजें