युतीमध्ये मनसे हा बालिशपणा - राज ठाकरे
सकाळ वृत्तसेवा
Friday, February 25, 2011 AT 02:00 AM (IST)
मुंबई - भाजप व शिवसेनेच्या युतीमध्ये महाराष्ट्र नवनिर्माण सेनेचा समावेश करण्याच्या गोपीनाथ मुंडे यांच्या मताशी भाजप अध्यक्ष नितीन गडकरी यांनी अनुकूलता दर्शविल्यानंतर राज ठाकरे यांनी मात्र हा बालिशपणा असल्याची प्रतिक्रिया व्यक्त केली आहे.नागपूर येथील एका खटल्यासाठी उपस्थित राहण्यासाठी राज ठाकरे आज सायंकाळी विदर्भ एक्‍स्प्रेसने रवाना झाले. त्या वेळी प्रसिद्धिमाध्यमांनी गडकरी यांच्या वक्तव्यासंदर्भात विचारले असता, राज ठाकरे म्हणाले, "हा बालिशपणा आहे. कोणीतरी बाहेरून विधाने करायची व त्यावर आम्ही आमची भूमिका कशी काय ठरविणार? प्रत्येक गोष्टीला एक प्रक्रिया असते. त्यामुळे या विषयावर मला काही बोलायची गरज आहे, असे वाटत नाही. तसेच या युतीबाबत माझे कोणाशीही बोलणे झालेले नाही वा मला कोणीही भेटले नाही. त्यामुळे ही गोष्ट होऊ शकत नाही.'
उद्या सादर होणाऱ्या रेल्वे अर्थसंकल्पातील अपेक्षांसंदर्भात ते म्हणाले, "रेल्वे अर्थसंकल्पात महाराष्ट्राने ज्या अपेक्षा व्यक्त केल्या त्या कधीच पूर्ण झालेल्या नाहीत. त्यामुळे अपेक्षा करण्यात काय अर्थ आहे? मुंबई व महाराष्ट्रात येणारे बोहरेचे लोंढे थांबवावेत, हीच आपली अपेक्षा आहे. या लोंढ्यामुळे येथील पायाभूत सुविधांवर ताण पडतो.'
कोई टिप्पणी नहीं:
एक टिप्पणी भेजें