मलेरियाचा प्रादुर्भाव रोखण्यासाठी मनसे रस्त्यावर

मलेरियाचा प्रादुर्भाव रोखण्यासाठी मनसे रस्त्यावर

सकाळ वृत्तसेवा

Monday, August 09, 2010 AT 02:39 PM (IST)

 

मुंबई - मुंबईतील मलेरियाचा प्रादुर्भाव आणि अस्वच्छता दूर करण्यासाठी महानगरपालिकेची वाट न पाहता महाराष्ट्र नवनिर्माण सेनेच्या कार्यकर्त्यांना रस्त्यावर उतरण्याचे आदेश, आज (सोमवार) मनसेचे अध्यक्ष राज ठाकरे यांनी दिले.

माटुंगा येथे मनसेतर्फे कार्यकर्ता मेळाव्याचे आयोजन करण्यात आले होते, यावेळी ते बोलत होते. राज ठाकरे म्हणाले, ''मुंबईतील नागरिकांच्या आरोग्याची काळजी घेण्याबाबत महापालिका आणि राज्य सरकार एकमेकांकडे बोटे दाखवत आहे. यामुळे आता ही जबाबदारी मनसेचे कार्यकर्ते आणि पदाधिकारी पार पाडतील. तसेच मलेरियामुळे झालेल्या मृतांची संख्या सांगण्याबाबतही मुंबई महापालिका दिशाभूल करीत आहे. मुंबईत वाढलेल्या मलेरियाला परप्रांतियांचे लोंढेच जबाबदार आहेत. मुंबईत येणारे लोंढे हे मतांचे गठ्ठे आहेत. ''

मुंबई झोपडपट्ट्यांची वाढत असलेली संख्या गंभीर असून, यापुढे ज्याभागात झोपडपट्टी झालेली दिसेल त्या भागातील मनसेच्या शाखेतील पदाधिकाऱ्यांना जबाबदार धरण्यात येईल, असे राज ठाकरे यांनी सांगितले.

Raj thakre 9.7.10 part 1

वांद्य्राच्या भूखंडावर कोण बिल्डर येतो ते पाहूच - राज

वांद्य्राच्या भूखंडावर कोण बिल्डर येतो ते पाहूच - राज

सकाळ वृत्तसेवा

Tuesday, August 03, 2010 AT 12:45 AM (IST)

 

मुंबई - अनधिकृत झोपड्यांमध्ये राहणाऱ्यांना सरकार अधिकृतपणे घरे बांधून देते; पण वर्षानुवर्षे सरकारी वसाहतीत राहणाऱ्या सरकारी कर्मचाऱ्यांना वाऱ्यावर सोडून दिले जात आहे. वांद्य्राचा भूखंड कोणा तरी बिल्डरला देऊन टाकला आहे; पण महाराष्ट्र नवनिर्माण सेना एकाही सरकारी कर्मचाऱ्याला वाऱ्यावर सोडणार नाही. मग त्या भूखंडावर कोण बिल्डर येतो ते मी पाहतोच, असा सज्जड इशारा महाराष्ट्र नवनिर्माण सेनेचे अध्यक्ष राज ठाकरे यांनी आज दिला.

शिवडी विधानसभा मतदारसंघातील पदाधिकारी व कार्यकर्त्यांच्या मेळाव्यात विचार मांडताना राज ठाकरे म्हणाले, की सरकारी कर्मचारी इमानेइतबारे सरकारी सेवा करतात; पण निवृत्त झाल्यावर हेच सरकार त्यांना घराबाहेर काढते, अनधिकृत झोपडीवाल्यांना "एसआरए'च्या योजनेत पक्की घरे देते, वांद्रे येथील सरकारी कर्मचाऱ्यांनी स्वतःहून तेथे घरे विकत घेण्याची तयारी दर्शविली असतानाच सरकारला त्यांची फिकीर नाही. कारण- राज्यकर्ते व मराठी पुढारी बिल्डरांच्या मागे ठामपणे उभे राहत असल्याची टीकेची झोडही त्यांनी उठविली.

मराठीचा मुद्दा आम्ही महाराष्ट्रात उठविला, तर आम्ही संकुचित, असे स्पष्ट करतानाच त्यांनी सांगितले, की हिंदुत्वाचा पुरस्कार करणारे नरेंद्र मोदी यांच्या तोंडातून आता हिंदुत्वाचा हिं तरी निघतो का? मोदी यांनी गुजरातमध्ये गुजराती अस्मिता काढली की ते चालते कर्नाटकात त्यांच्या भाषेची अस्मिता चालते; मग महाराष्ट्रातच फक्त मराठीची अस्मिता का नको, असा सवालही त्यांनी केला.

उत्तर प्रदेशात निवडणूक लढविणारे पंडित जवाहरलाल नेहरू हे तेथून विजयी झाल्यानंतर विजयी झाले. ते जवळजवळ 15 ते 17 वर्षे पंतप्रधान होते. त्यानंतर उत्तर प्रदेशातून विजयी झालेल्या इंदिरा गांधी यासुद्धा 14 ते 15 वर्षे पंतप्रधान होत्या. त्यानंतर संजय गांधी, राहुल गांधी, सोनिया गांधी सर्वच जण उत्तर प्रदेशातून विजयी झाले; मग इतक्‍या वर्षांत त्यांनी उत्तर प्रदेशाचे भले का नाही केले, असा सवाल करतानाच उत्तर प्रदेशातील परप्रांतातील लोक आजही महाराष्ट्रात का येतात? 1991 ते 2001 च्या जनगणनेनुसार सुमारे 20 ते 22 लाख उत्तर प्रदेशातील लोक महाराष्ट्रात आले आहेत. यंदाच्या जनगणनेत हा आकडा आणखीन वाढेल, असेही त्यांनी या वेळी नमूद केले.

या प्रसंगी शिवडीचे आमदार बाळा नांदगावकर यांनी, आपण आजारपणामुळे गेले काही महिने तुम्हाला वेळ न दिल्याबद्दल दिलगिरी व्यक्त केली. आता मी माझा वेळ तुमच्यासाठी देणार आहे. त्यामुळे तुमच्या मनातील किंतु-परंतु काढून टाका, असेही नांदगावकर यांनी नमूद केले.

Raj thakre 9.7.10 part 2

लोंढ्यामुळेच मुंबईत मलेरियाची साथ

लोंढ्यामुळेच मुंबईत मलेरियाची साथ

सकाळ वृत्तसेवा

Monday, August 02, 2010 AT 12:30 AM (IST)

  i

राज ठाकरेंची टीका; "मनविसे'चा चौथा वर्धापनदिन उत्साहात
मुंबई  - मुंबईत मोठ्या प्रमाणात लोढ्यांचे आक्रमण होत आहे. या लोढ्यांच्या गलिच्छ वस्त्यांमुळेच मलेरियासारखे आजार झपाट्याने पसरत चालले आहेत. मुंबईतील हॉस्पिटल्सही या लोंढ्यांनी भरली आहेत. येथील मराठी माणसांना उपचाराकरिता आता जागा नाही. या लोंढ्यामुळेच मुंबईचा सत्यानाश होताय अशी सडेतोड टीका महाराष्ट्र नवनिर्माण सेनेचे अध्यक्ष राज ठाकरे यांनी आज केली.

महाराष्ट्र नवनिर्माण विद्यार्थी सेनेच्या चौथ्या वर्धापनदिनानिमित्त आयोजित कार्यक्रमात त्यांनी आपली रोखठोक भूमिका मांडली. मुंबईत यापूर्वीही साथीचे रोग आले होते, पण आताची परिस्थिती वेगळी आहे. बाहेरचे लोंढे मुंबईत खुशाल येतात. येथेच अनधिकृत झोपड्या बांधतात व अस्वच्छता करतात, त्यांच्या या गलिच्छपणामुळेच मुंबईत आजार पसरत आहेत. या प्रकरणी महापालिका सरकारवर जबाबदारी ढकलते तर, सरकार पालिकेवर ढकलाढकली करत आहे, अशी टीकेची झोडही ठाकरे यांनी उठविली.

शिक्षणक्षेत्रातही परप्रांतियांनी ऍडमिशनसाठी गर्दी केली आहे; असे सांगतानाच ते म्हणाले, की महाराष्ट्रात अल्पसंख्याकांसाठी कॉलेज उघडली जात आहेत. मराठी मुलाला या कॉलेजमध्ये ऍडमिशन हवे असेल तर पैसे मागितले जातात व पैसे नसतील तर, मराठी मुलाला येथे ऍडमिशन मिळत नाही.

तमिळनाडूत नुकतेच तमिळ भाषिकांचे भव्य संमेलन झाल्याचा उल्लेख करताना त्यांनी सांगितले, की या संमेलनात विद्यार्थ्यांचे इंजिनीअरिंगपर्यंतचे शिक्षण तमिळ भाषेतून करण्याचा निर्णय झाला. पण महाराष्ट्रात दहावीपर्यंत संपूर्ण मराठी करण्यासाठी येथील राज्यकर्त्यांसमोर धडपड करावी लागते. सरकारच्या या बोटचेप्या धोरणामुळेच शिक्षणाची वाट लागली आहे.

हॉटेल चायनीज पण, भाषा स्वीस
युरोपियन संमेलनाच्या निमित्ताने आपण नुकतेच स्वित्झर्लंड येथे गेलो होतो. तेथील लोक भाषेसाठी किती कडवट असतात याचा किस्सा सांगताना ते म्हणाले, ""आम्ही हॉटेल शोधत होतो, तेवढ्यात एक चायनीज रेस्टॉरन्ट मिळाले. तेथे गेलो व मेन्यू कार्ड मागविले तर, त्यातील भाषा ना इंग्रजीतून होती ना अन्य दुसऱ्या भाषेतून. त्यामध्ये स्वीस भाषा होती. म्हणजे स्वित्झर्लंडमध्ये चायनीज हॉटेल असले तरी, तेथील भाषा मात्र त्यांचीच स्वीस भाषा. याला म्हणतात भाषेचा अभिमान. पण आपण मात्र भाषेचा अभिमान धरत नाही.''

याप्रसंगी "शिक्षण 2020' या विषयावर मान्यवरांचा परिसंवाद आयोजित करण्यात आला होता. यामध्ये प्राचार्या मीनाक्षी वाळके, प्राध्यापक विजय तापस, पराग माहुलीकर, प्राचार्य अजित नाईक, "सकाळ मुंबई'चे कार्यकारी संपादक पद्मभूषण देशपांडे, राजेश देव आदींनी आपली भूमिका मांडली.

इतर भाषांबद्दल आकस नाही : राज ठाकरे

इतर भाषांबद्दल आकस नाही : राज ठाकरे

केदार लेले/कीर्तीमालिनी गद्रे

Saturday, July 24, 2010 AT 11:43 AM (IST)

 

झुरीच (स्वित्झर्लंड) येथे शुक्रवारी युरोपीय मराठी संमेलनाचे उद््घाटन झाले. या सोहळ्यासाठी खास उपस्थित (डावीकडून) मंदा आमटे, प्रख्यात समाजसेवक प्रकाश आमटे, महाराष्ट्र नवनिर्माण सेनेचे प्रमुख राज ठाकरे आणि महान क्रिकेटपटू सुनील गावस्कर.
झ्युरीक (स्वित्झर्लंड) - 'इतर प्रांत; भाषांविषयी माझ्या मनात अजिबात राग नाही', अशी भूमिक महाराष्ट्र नवनिर्माण सेनेचे प्रमुख राज ठाकरे यांनी शुक्रवारी घेतली. युरोपीयन मराठी संमेलनाच्या उद््घाटन सोहळ्यात ते बोलत होते. प्रख्यात समाजसेवक प्रकाश आमटे, मंदा आमटे, महान क्रिकेटपटू सुनिल गावस्कर यांच्या उपस्थित स्वित्झर्लंडच्या आर्थिक राजधानीत हा सोहळा पार पडला. 'इथंली माती; आपली माणसं' अशी २५ जुलैपर्यंत चालणाऱया यंदाच्या संमेलनाची मध्यवर्ती संकल्पना आहे.

राज यांच्या भाषणाबद्दल युरोपीय मराठी समुदायात उत्सुकता होती. आटोपशीर भाषणात राज यांनी त्यांची निर्भिड शैली तर दाखवलीच; शिवाय मराठी समुदायाची मनेही जिंकली.

'मला हिंदीच काय कोणत्याही भाषेबद्दल राग नाही,' असे सांगून राज म्हणाले, 'उलट माझे तर मत आहे की मराठी व्यतिरिक्त इतर भाषाही मराठी माणसाला यायलाच हव्यात. माझा विरोध आहे, तो मुंबईत जाणिवपूर्वक लोंढे आणण्याला. असे कोणी करत असेल, तर माझा ठाम विरोध आहे आणि राहिल.'

'मी जे बोलतो ते युरोप समजू शकतो', अशी सुरूवात करून त्यांनी भारत आणि युरोपमधील साम्य स्पष्ट केले. ते म्हणाले, 'या भारतात आणि युरोपात खूप साम्य आहे. भारतात जशी अनेक राज्ये आहेत, तसेच युरोपात आहे. भारतात जसे एकाच चलनाने ही राज्ये जोडली गेली आहेत; तशीच स्थिती युरोमुळे युरोपात आहे. युरोपातील चांगल्या गोष्टी जरूर स्विकारा. त्याचवेळी आपली संस्कृतीही टिकवून ठेवा.'

युरोपमध्ये राहणा-या मराठी माणसांना एकत्र आणणे आणि युरोपात वाढणा-या नव्या पिढीला मराठी संस्कृतीची ओळख व्हावी, यासाठी हा सोहळा आयोजित केला आहे. संमेलनात विविध सांस्कृतिक आणि सामाजिक कार्यक्रम होत आहेत. कार्यक्रमाची सुरुवात गणेश पूजन व नांदीने झाली. अतिशय सुरेल नांदी  इंग्लंडच्या 'महफिल' समुहाने  सदर केली. दोन स्विस मराठी मुलांनी सरस्वती पूजन केले. त्यानंतर पाहुण्यांची व युरोपीयन मराठी संमेलनाच्या कार्यकारिणी समितीची ओळख करून देण्यात आली. श्री. गावस्कर यांच्या हस्ते 'सेतू' या स्मरणिकेचे प्रकाशन झाले.

स्वित्झर्लंडमधील वेळेनुसार दुपारी २ ते ४ च्या दरम्यान शिस्तबद्ध वातावरणात नाव नोंदणीचा कार्यक्रम पार पडला.

राज यांच्या "स्वप्नपूर्ती'साठी पालिकेत "सत्तापूर्ती' हवी

राज यांच्या "स्वप्नपूर्ती'साठी पालिकेत "सत्तापूर्ती' हवी

-

Saturday, July 24, 2010 AT 12:45 AM (IST)

 

नितीन चव्हाण
मुंबई - तुम मुझे खून दो... मै तुम्हे आझादी दूँगा... स्टाईलमध्ये मनसेचे अध्यक्ष राज ठाकरे यांनी पाच हजार फूटपाथ द्या... 25 हजार स्टॉल उभारून 50 हजार बेरोजगारांच्या पोटापाण्याचा प्रश्‍न सोडवतो... अशी मागणी महापालिकेकडे केली असली तरी राज यांना स्वप्नपूर्तीसाठी सर्वप्रथम फेरीवाला धोरणाच्या व न्यायालयाच्या अग्निपरीक्षेला सामोरे जावे लागेल. पालिकेच्या कायद्यात बदल करावे लागतील. स्वप्नपूर्तीसाठी "सत्तापूर्ती'चा सोपान चढल्यावरच बेरोजगारांच्या पोटापाण्याचा प्रश्‍न ते "मनसे' सोडवू शकतील.

पालिकेत सत्तेवर असणाऱ्या शिवसेनेने सर्व प्रशासकीय तयारी केल्यानंतरही त्यांच्या शिववड्याला आसरा मिळत नसल्याचे चित्र आहे. प्रशासनाने ही योजना राबविण्याची आमची इच्छा आहे; मात्र जागा सापडत नसल्याचे कारण पुढे केले आहे. शिववड्याच्या चटणीचा इतका झणझणीत अनुभव असल्यानंतर तरी मनसेचे डोळे उघडणार आहेत काय, असा सवाल पालिकेचे अधिकारीच करीत आहेत. मुंबईसह राज्यातील सर्व शहरांसाठीचे "फेरीवाला धोरण' सध्या सर्वोच्च न्यायालयात प्रलंबित आहे. न्यायालयाच्या आदेशानंतर मुंबई महापालिकेने आपले धोरण तयार केले असून, महापौरांच्या स्वाक्षरी व सभागृहाच्या मंजुरीनंतर ते पुन्हा राज्याकडे जाईल. त्यानंतर फेरीवाला धोरण अमलात येणार आहे. त्यासाठी आणखी किती काळ जाईल याचे उत्तर प्रशासन आणि सरकारही देऊ शकत नसल्याचे पालिकेच्या अधिकाऱ्यांचे म्हणणे आहे.

2003 मध्ये हॉकिंग झोन-नॉन हॉकिंग झोनवरून झालेल्या वादात महाराष्ट्र एकता हॉकर्स युनियन व इतर फेरीवाला संघटनांनी पालिकेविरुद्ध सर्वोच्च न्यायालयात याचिका दाखल केली होती. त्याबाबत 9 डिसेंबर 2007 मध्ये झालेल्या सुनावणीत सर्वोच्च न्यायालयाचे तत्कालीन न्यायमूर्ती एस. एन. वरियावा व एच. के. सीमा यांनी "कोणताही स्टॉल, टेबल किंवा स्टॅण्ड यासारखी बांधकामे करता येणार नाहीत. ज्यांना यापूर्वी पालिकेने स्टॉलचा परवाना दिला आहे त्यांनी पादचारी, वाहने व वाहतुकीला अडथळा निर्माण होईल, अशी कृती करू नये, असे म्हटले आहे.' पालिकेने या निकालाचा आधार घेत कोणत्याही स्टॉलला मंजुरी देण्याचा निर्णय आपण घेऊ शकत नसल्याचा दावा केला आहे.

सत्तांतर आणि कायदेबदलपालिकेने आपल्या कायद्याच्या अधिकारात 1979 पासून स्टॉल देणे बंद केले आहे. त्यामुळे स्टॉलच्या योजनेसाठी मनसेला पालिकेत सत्तेवर येऊन पालिका कायद्यात बदल करून घ्यावा लागेल. या बदलाविरुद्ध कुणी न्यायालयाचे दरवाजे ठोठावल्यास आणखी कालापव्यय होऊन योजनाच बासनात गुंडाळली जाण्याची शक्‍यताही नाकारता येत नसल्याचे प्रशासकीय अधिकारी सांगतात.